SIKU YA LEO TAREHE 24/11 ZIMBABWE KUANDIKISHWA HISTORIA MPYA BAADA YA MIONGO KADHAA

Leo ni siku mpya ya historia nchini Zimbabwe, ambapo rais mpya Mh. Emmerson Mnangagwa aliyekuwa Makamu wa Rais wa taifa hilo chini ya uongozi wa Rais Robert Mugabe aliyeliongoza taifa hilo kwa kuda mrefu zaidi tokea mwaka 1980 nchi hiyo ya Zimbabwe ilipojipatia uhuru wake anatarajiwa kuapishwa rasmi kuwa Rais wa mpito wa taifa hilo hadi pale uchaguzi utakapofanyika upya.

 

Lakini Emmerson_Mnangagwa ni nani.!?

Mtambue zaidi hapa:

https://en.m.wikipedia.org/wiki/Emmerson_Mnangagwa

Lakini je! Robert Mugabe naye ni nani.!?,

Msome hapa:

https://en.wikipedia.org/wiki/Robert_Mugabe

Mugabe ni Rais wa muda mrefu zaidi kuliongoza taifa hilo tokea lilipojipatia uhuru wake kutoka kwa wakoloni 1980, na yeye kuwa ndie rais wa kwanza mweusi kuiongoza nnchi hiyo baada ya kutumikia kifungo gerezani kisichopungua miaka-10 wakati wa utawala wa Wakoloni nchini humo kabla ya uhuru.

Ni juhudi za raisi huyu kupigana kufa na kupona pamoja na wazalendo na Askari wachache watiifu waliopata mafunzo nchini Korea ya kaskazini, kushirikiana pamoja kupigana vita na Wakoloni na hatimaye kujipatia uhuru wao kamili kama taifa huru.

Upo usemi unaosema “ubaya mmoja huficha 100mazuri” ni kweli, Binafsi namwona Mh. Mugabe kama mzalendo wa kweli kama ilivyokuwa kwa Wazalendo wengine waBara hilli, Mfano J.k Nyerere wa Tanzania, Nkurumah-Ghana, Mzee Jomo-Kenya, Ghadafi-Libya, na wengineo....

Kwa hatua hii, ya kuapishwa rais mpya wa mpito Emmerson hadi uchaguzi utakapofanyika, umesubiriwa kwa hamu kubwa na Wazimbabwe walio wengi kutokana na ukata wa maisha ulioikumba Zimbabwe kwa siku hizi za usoni, ikiwemo kushuka kwa sarafu ya nnchi hiyo, kuwekewa vikwazo vya kiuchumi kwa hatua yake ya kuwanyanyang’anya haki ya umiliki wa Mashamba raia wake wenye asili ya kizungu ikiwemo kuwaondosha wazungu wote nchini humo.

Mugabe sio kiongozi mbaya, labda ubaya alioufanya ni kung’ang’ania madaraka kwa muda mrefu, na hatua yake ya hivi majuma kadhaa yaliyopita kumfukuza kazi makamu wake mkuu Emmerson, ambaye sasa ndio anategemea kuapishwa leo kuwa rais wa mpito wa Zimbabwe.

Hatua hiyo ilipingwa vikali na wabunge wa nchi hiyo, pamoja na wananchi kuandamana na mabango mtaani kushinikiza Rais huyo kujiuzulu, kabla ya kutaka kumpatia nafasi yake ya Urais mkewe Bi. Grace Mugabe hatua iliyoshinikiza jeshi la nchi hiyo kuingilia kati na kumweka rais huyo kizuizini:

Baada ya mazungumzo , nakupitia katiba ya nchi hiyo Mugabe alikubali kuachia madaraka yake, ili kupisha uchaguzi au rais mwingine wa mpito anayependekezwa na wabunge wa nchi hiyo:

Haki miliki ya picha Reuters Rais Robert Mugabe be amekuwa mamlakani tangu nchi hiyo ipate uhuru mwaka 1980

LAKINI HISTORIA NYINGINE ZINASEMAJE:

Source: BBC

Mwaka 1982 aliushutumu upinzani kwa kujaribu kupindua serikali

Maelfu ya watu waliuawa alipolituma jeshi lake lililopata mafunzo Korea Kaskizini, kuwakandamiza maadui zake

Mwaka 1987,alibadilisha katiba ili imruhusu kuwa rais na kuongeza mamlaka yake

 

Uchumi ulidororeka baada ya mwaka 2000…

 

Wakati Mugabe aliagiza kunyakua mashamba yaliomilikiwa na watu weupe yaliyokuwa kinara ya uchumi

Mfumuko wa bei ulipelekea sarufi ya taifa kuwa bila thamani na hali nchini humo ikazidi kudororeka

Baada ya uchaguzi wa mwaka 2008, Mugabe alilazimika kugawanya mamlaka na kiongozi wa upinzani Morgan Tsvangirai

Japo kulikuwa na ghasia dhidi ya wafuasi wa Bw Tsvangirai katika kampeni za uchaguzi

Ndoa yake na Grace Mugabe ,anayemzidi kwa maika 40, yaweza kuwa iliyomponza

Wengi walikasirishwa na Grace kuandaliwa kuwa mrithi wake.

Jeshi limeonesha kumtaka Emmerson Mnangagwa aliyefutwa kazi kama makamu wa Rais na Mugabe mwezi Novemba

KUJIUZULU

Haki miliki ya picha AP

Utawala wa Mugabe umekuwa ukikumbwa na maandamano huku wanaharakati na raia kwa ujumla wakimtaka rais Mugabe aachie mamlaka.

 

Awali kabla ya hatua ya kuwekwa kuwekwa kizuizini na jeshi, Spika wa bunge la Zimbabwe alitangaza kuwa rais Robert Mugabe amejiuzulu .

 

Spika wa bunge Jacob Mudenda alisema kuwa hatua hiyo ni ya kujitolea na amefanya hivyo ili kuweza kuwepo kwa mabadiliko ya amani ya mamlaka kulingana na chombo cha habari cha Reuters.

 

Tangazo hilo la ghafla lilizuia harakati za bunge kutaka kumng'oa madarakani ambazo zilikuwa zimeanza dhidi yake.

 

Awali bwana Mugabe alikuwa amekataa kujiuzulu licha ya jeshi kuchukua mamlaka huku hatua hiyo ikifuatiwa na maadamano ya raia waliotaka kiongozi huyo kung'atuka mamlakani wiki hii.

 

Amekuwa mamlakani tangu taifa hilo lijipatie uhuru wake 1980.

 

Bwana Mugabe ameshinda uchaguzi wa urais mara kadhaa lakini katika kipindi cha miaka 15 iliopita shughuli hiyo imekumbwa na ghasia dhidi ya wapinzani wake

 

Ameongoza kipindi cha uchumi ulioanguka ambapo raia wamezidi kuwa masiki zaidi ya walivyokuwa 1980

 

Hatua iliosababisha yeye kuanza kung'atuliwa madarakani ni ile alipomfuta kazi makamu wake wa rais Emmerson Mnangagwa wiki mbili zilizopita.

Hatua hiyo ilionekana na wengi kama ya kutaka mkewe kumrithi

 

Iliwaudhi viongozi wa jeshi ambao waliingilia kati na kumweka rais Mugabe katika kizuizi cha nyumbani.

 

Waziri mkuu wa Uingereza Theresa May amesema kuwa kujiuzulu kwa Mugabe kunaipatia Zimbabwe fursa ya kuwa na mwanzo mpya kufuatia ukandamizaji uliotawala uongozi wa Mugabe.

 

Amesema kuwa Uingereza ambaye ni rafiki wa zamani wa Zimbabwe atafanya kila awezalo kusaidia kufanyika kwa uchaguzi ulio huru na haki na kujenga uchumi wa Zimbabwe.

 

Ubalozi wa Marekani mjini Harare umesema kuwa ni hatua ya kihistoria na kuwapongeza raia wa Zimbabwe kwa kutoa sauti zao na kusema kwa njia ya amani kwamba ni wakati wa mabadiliko.

 

Utawala wa rais Mugabe umekuwa ukikabiliwa na matatizo makubwa ya kiuchumi, ikiwa ni pamoja na kushuka kwa sarafu ya nchi hiyo.

Hali mbaya ya uchumi na ukosefu wa ajira vilisababisha maandamano makubwa kote nchini humo, wanaharakati na raia kwa ujumla wakimtaka rais Mugabe aachie mamlaka.

Hata hivyo Mugabe amekuwa akiyazima maandamano hayo na kuwatia nguvuni wapinzani wake anaosema kuwa wanachochewa na mataifa ya kigeni. kutokana na vikwazo kutoka mataifa ya magharibi.

Mugabe amekuwa akikosolewa kwa kukandamiza upinzani.

Lakini amejiuzulu rasmi tayari, je! Ninini kitajiri tena zimbabwe chini ya utawala wa mpito wa Rais anayeapishwa leo Mh.Emmerson!? huku hofu ikizidi kutanda kwa wachambuzi wa siasa kwa uthibitisho dhahiri uliotukia nchini Libya baada ya kupinduliwa kwa ghadafi.

Wananchi, wazidi kufurika mitaa mbalimbali kushangilia kuondoka mamlakani kwa Rais Mugabe.

 

KOREA NA MIPANGO YAKE HASI HATUA NYINGINE ZAIDI.

HEBU TUJIFUNZE KITU LEO KUHUSIANA NA KOREA KASKAZINI NA CHOKOCHOKO DHIDI YAKE NA MAREKANI:
Source: BBC SWAHILI http://www.bbc.com/swahili/habari-41084338

Ni kwa nini Korea Kaskazini inataka silaha za nyuklia?

 

 

Rasi ya Korea iligawanyika na kuwa mataifa mawili baada ya Vita Vikuu vya Pili vya Dunia na kukawa na Korea Kaskazini na Kusini.

Korea Kaskazini iliegemea siasa za Kikomunisti na iliongozwa na serikali ya kiimla, uongozi sawa na wa Stalin katika Muungano wa Usovieti. Marafiki wake wakuu ni Urusi na Uchina.

Nchi hiyo ilijitenga pakubwa na nchi nyingine, isipokuwa nchi kadha marafiki wake.

Viongozi wa nchi hiyo wanasema silaha za nyuklia ndiyo njia pekee ya kujikinga dhidi ya maadui kutoka nje ambao wanataka kuliangamiza taifa hilo.

 

Majaribio yake ya karibuni zaidi ya makombora yanaachilia kwamba nchi hiyo inakaribia sana kuwa na makombora ya kuruka kutoka bara moja hadi jingine yanayofahamika kama (ICBM) ambayo yana uwezo wa kufika Marekani bara.

Wamefanyia majaribio silaha za nyuklia mara tano. Taarifa za kijasusi zinadokeza kwamba nchi hiyo inakaribia sana, au tayari imeweza, kuunda kichwa kidogo cha silaha za nyuklia kinachoweza kuwekwa kwenye makombora.

Nchi hiyo inaichukulia Marekani kuwa audi wake mkuu na pia ina maroketi ambayo yameelekezwa kwa Korea Kusini na Japan, nchi ambazo zina wanajeshi wengi sana wa Marekani.

 

Nini kimefanywa kuwazuia?

 

Juhudi za kutumia mashauriano kutatua mzozo huo zimeshindwa kupata suluhu.

Umoja wa Mataifa umeiwekea nchi hiyo vikwazo vingi - lakini bila mafanikio.

Uchina, mshirika wake wa dhati, pia imeiwekea shinikizo za kiuchumi na kidiplomasia.

Marekani sasa imetishia kutumia nguvu za kijeshi na Rais Donald Trump ameitahadharisha kwamba itakabiliwa kwa "moto na ghadhabu".

 

President: Kim during Press conference in North Korea

 

Marekani inaweza kuishambulia Korea Kaskazini?

 

Mzozo huo umekuwa ukiendelea kwa miaka mingi, lakini hali kwamba Korea Kaskazini inakaribia kuwa na/ au tayari ina uwezo wa kuunda kichwa kidogo cha nyuklia kinachoweza kuwekwa kwenye makombora, na kwamba ina makombora yanayoweza kufikia Marekani bara, yanabadilisha mambo sana.

Miezi kadha iliyopita, kumekuwa na hatua za 'uchokozi' mara kadha za Korea Kaskazini pamoja na majibizano kati yake na Marekani ambazo zimezidisha mzozo huo.

Korea Kaskazini ilitishia kurusha mabomu karibu na kisiwa cha Guam ambacho kinamilikiwa na Marekani katika Bahari ya Pacific.

Na leo Jumanne, nchi hiyo imerusha kombora kupitia anga ya Japan.

Lakini huku majibizano yakiendelea, bado ni vigumu kubashiri ni nini kitafuata.

 

 

FUJO ZAIDI ZAZUKA MARA BAADA YA RAIS BONGO KUTANGAZWA MSHINDI WA UCHAGUZI NCHINI GABON

Fujo zimezuka katika mji mkuu wa Gabon, Libreville baada ya Rais Ali Bongo kutangazwa mshindi wa uchaguzi wa urais uliofanyika Jumamosi.

Mgombea wa upinzani Jean Ping amesema watu wawili wameuawa na wengine wengi kujeruhiwa baada ya vikosi vya usalama kuvamia makao makuu ya chama chake.

Serikali imesema inawaandama "wahalifu wenye silaha" ambao awali walikuwa wameteketeza majengo ya bunge

Wakati huohuo:

Wapinzani nchini Gabon wamechoma moto jengo la bunge la nchi hiyo baada ya Rais Ali Bongo kutangazwa kuwa mshindi wa Uchaguzi wa Rais Uliofanyika siku ya Jumamosi dhidi ya mpinzani wake mkuu Jean ping.

Kwa upande wake mgombea huyo aliyeshindwa amesema pia vikosi vya usalama vimeshambulia makao yake makuu kwenye mji mkuu Libreville.
Jean Ping aliliambia shirika la habari la ufaransa AFP kuwa vikosi vya ulinzi vimetumia helkopta kushambulia kwa mabomu jengo hilo kabla ya kulivamia.

Amearifu kuwa watu 19 wamejeruhiwa baadhi yao wakipata majeraha mabaya.
Awali, polisi katika mji mkuu wa Gabon, Libreville walitumia mabomu ya kutoa machozi kuweza kuwatawanya wafuasi wa Jean Ping, waliokuwa wamejawa na hasira na ambao wanaamini kuwa matokeo hayo ya uchaguzi yalikuwa ya udanganyifu.

Ni kura chache tu, zilizomuwezesha Bwana Bongo kumshinda mpinzani wake na hatimaye kutangazwa kuwa mshindi, huku eneo analotoka akionekana kupata kura nyingi zaidi.
Ujumbe uliokuwa ukiwakilisha upinzani katika Tume ya Uchaguzi ulitoka nje na kukataa kusaini karatasi, zinazompa ushindi Rais Bongo.

Mwangalizi wa Uchaguzi huo, kutoka Jumuia ya Ulaya, Sara Crozier ameelezea hali ilivyo katika mji mkuu wa nchi hiyo, Libreville, kuwa ni ya wasiwasi.
Familia ya Bongo imekuwa madarakani katika nchi hiyo ya Afrika ya kati kwa takriban miongo mitano.

SOURCE: BBC swahili

COLOMBIA IMEHALALISHA MATUMIZI YA BANGI KWA MATIBABU

Rais wa Colombia ,Juan Manuel Santos, ametia sahihi sheria mpya inayohalalisha matumizi ya bangi.

Rais wa Colombia , Juan Manuel Santos, ametia sahihi sheria mpya inayoruhusu na kuhalalisha matumizi ya bangi kwa manufaa ya kimatibabu.

Katika hotuba kwa taifa kupitia kwa runing bwana Santos alisema kuwa sheria hii kimsingi inaiweka Colombia katika mtsari wa mbele wa kupamabana na matumizi ulanguzi na ukuzaji wa bangi Kusini mwa Marekani.

"Tumechukua hatua ya kwanza kuisadia Colombia kupambana na gonjwa hili sugu la matumizi ya mihadarati.

Sheria hii itasaidia kufaidi kile kinachoitwa kuwa uwezo wa kimatibabu ya mmea huu ;bangi.''alisema Rais Manuel Santos.

Hata hivyo alisisitiza kuwa sheria hii mpya haikinzani hata kidogo na mswada wake wa kupambana na mihadarati.

 

 

 

 

 

Hata hivyo alisisitiza kuwa sheria hii mpya haikinzani hata kidogo na mswada wake wa kupambana na mihadarati.
" kufaidi uwezo wa utabibu wa bangi kwa hakika haizuii kwa vyovyote msimamo wetu dhabiti wa kupambana na matumizi ya mihadarati.''
Tutaendelea mbele na harakati za kupambana na ulanguzi wa madawa mengine haramu alisema rais Manuel Santos.
"Sheria hiyo mpya inaruhusu ukuzaji wa mmea huo kwa wale tu waliopewa idhini na serikali''

Colombia imekuwa mshiriki mkubwa wa serikali ya Marekani katika mikakati yake ya kupambana dhidi ya ulanguzi na ukuzaji wa mihadarati

Colombia imekuwa mshiriki mkubwa wa serikali ya Marekani katika mikakati yake ya kupambana dhidi ya ulanguzi na ukuzaji wa mihadarati.
Taifa hilo limefaidi mabilioni ya dola katika misaada mbali na kutumia jeshi lake katika vita dhidi ya magenge ya walanguzi.
Santos alitangaza sheria hiyo mpya miezi michache tu baada yake kupiga marufuku upulizaji wa madawa ya Monsanto baada ya shirika la afya duniani WHO kusema kuwa utafiti umeonesha kuwa Roundup inasababisha saratani.

SOURCE: BBC SWAHILI

HALI YA MAMBO BADO SI SHWARI NCHINI SOMALIA

Baadhi ya Waliojeruhiwa katika tukio hilo huko somalia, na hali halisi ilivyokuwa.http://kiswahili.irib.ir/habari/afrika/item/53624

Habari kutoka Somalia zinasema kuwa, takriban watu 10 wameuawa na wengine kadhaa kujeruhiwa kwenye mapigano yaliyotokea katika mji wa Beledweyne nchini Somalia

Habari zaidi zinasema kuwa, mapigano makali yameibuka kati ya makundi mawili ya kikabila ambayo yametumia silaha nzito na kusababisha uharibifu mkubwa. Mashuhuda wamesema watu wasiopungua 25 wamejeruhiwa ambapo wengi wao ni raia wa kawaida

Duru za hospitali zinasema huenda idadi ya vifo ikaongezeka kutokana na baadhi ya majeruhi kuwa katika hali mahututi.

Ugas Adirahman Ugas Khalif, kiongozi wa kikabila katika eneo hilo amelaani mauaji hayo ya raia wasio na hatia na kuzitaka koo zinazozozana kutatua hitilafu zao kwa njia za amani.

Baadhi ya duru zinasema juhudi za kikosi cha kulinda amani cha Umoja wa Afrika za kuzitenganisha pande hasimu hazikufua dafu na kwamba mwanajeshi mmoja wa Djibouti kutoka kikosi hicho ameuawa wakati wa makabiliano hayo

SOURCE: radio Iran Swahili