MAPINDUZI YALETWAYO NA ROBOTI, SASA KUPUNGUZA KAZI ZOTE ZIFANYWAZO NA BINADAMU

 

PHOTO BY: INTERNET

 

UNAPOSIKIA NENO ROBOTI, huleta wazo gani akilini mwako?

Watu fulani huona roboti kuwa zenye faida na vitu vinavyoweza kusaidia kazi. Wengine huziona kuwa tisho, yaani, mashine zenye uwezo mkubwa wa akili ambazo siku moja zitachukua kazi zinazofanywa na wanadamu. Hata hivyo, wengine huziona kuwa ni kazi za ubunifu tu wa kisayansi.

 

Vipi kwa siku hizi za leo? Kulingana na kadirio la uchunguzi mmoja lililotolewa 2006 na Shirikisho la Kimataifa la Utengenezaji wa Roboti, kuna roboti karibu milioni moja zinazofanya kazi viwandani ulimwenguni pote, na karibu nusu ziko barani Asia.

 

Sasa swali Kubwa ni kuwa je! Kwa nini kuna uhitajio mkubwa hivyo wa roboti hizo?

(Binadamu wamekuwa wavivu, Kupunguza vitengo vya kazi zifanywazo na binadamu na zisizo za lazima, kuongeza ufanisi zaidi wa kazi, kuvutia utalii, kufanya mapinduzi zaidi ya sayansi na teknolojia au Wanasayansi kutaka kukosoa uumbaji na kutengeneza binadamu wao!?)

 

TUANGALIE KAZI ZINAZOFANYWA NA ROBOTI

 

Ukweli ni kuwa, Roboti ni mfanyakazi ambaye haachi kufanya kazi zake alizoamriwa kuzifanya muda wote, halalamiki, na anafanya kazi bila kuchoka kwa saa 24 kila siku, siku saba kwa juma, Je! Binadamu ataweza.!?

 

Hivyo kazi inayofanywa na roboti katika viwanda vya kutokeza bidhaa mbalimbali kama vile magari, vifaa vya umeme, na vifaa vya nyumbani, na kwa Jina lao, (Roboti), linawafaa sana kwa kuwa linatokana na neno la Kicheki, (Robota), linalomaanisha “kazi ya kulazimishwa.” Na Inakadiriwa kwamba katika mwaka wa 2005, kulikuwa na roboti mmoja kwa kila wafanyakazi 10 katika viwanda vya kutengeneza magari.!

 

Hata hivyo, siku hizi roboti hazitumiki kwenye viwanda peke yake, bali pia Roboti za kisasa zina vifaa vya kutambua sauti, zinaweza kutembea, zina mfumo wa mawasiliano usiounganishwa kwa nyaya, zina Mfumo wa Kupokea Habari Kutoka kwa Satelaiti (GPS), na vifaa vya kupima joto, nguvu, sauti zisizoweza kusikiwa na wanadamu, kemikali, na mnururisho.

 

Kwa kuwa sasa roboti zina nguvu zaidi na uwezo mwingi kuliko zamani, zinafanya kazi ambazo miaka michache iliyopita ilionekana kwamba haziwezi kufanya kutokana na zilivyofanyizwa.

 

KWA MFANO:

 

 

Huduma MBALIMBALI. Katika hospitali moja huko Uingereza, roboti inayofanya kazi katika chumba cha dawa, inapokea na kuwapa wagonjwa dawa kwa sekunde chache. Shirika la Posta la Marekani lina roboti ambazo zinatumiwa kukagua, kuinua na kupanga masanduku yenye barua. Roboti nyingine pia hutumiwa kufikia maeneo yenye nafasi ndogo, kama vile ndani ya mbawa za ndege, ili kufanya uchunguzi au marekebisho.

 

Mwandamani. Katika makao ya kuwatunzia wazee huko Japani, wagonjwa waliozeeka kwa zamu wanapapasa roboti ndogo yenye umbo la siri (Nyeti) iliyo na nywele, Roboti hiyo inaweza kutambua na kuitikia inapoguswa, kunapokuwa na mwangaza, inaposikia sauti, joto linapobadilika, na kulingana na inavyoshikwa.

 

Inaweza kuiga tabia za mnyama kwa kupiga kelele kwa uchangamfu, kufumba na kufumbua macho, na kuchezesha mapezi yake. Inasemekana kwamba roboti hiyo inatimiza uhitaji wa msingi wa mwanadamu wa kuwa na mwandani na inatumiwa katika matibabu pia.

 

Matibabu. Roboti yenye mikono mitatu husimama kando ya mgonjwa, na Daktari husimama kando yake na kuangalia kupitia kiwambo kikubwa kinachoonyesha moyo wa mgonjwa (Computer), kisha Daktari huyo anaongoza mikono ya roboti hiyo inapofanya upasuaji wa kurekebisha mshipa wa moyo.

 

 

Njia hiyo huwezesha kufanya upasuaji bila kugusa viungo vingine vya mwili kwa sababu roboti inaweza kuzifikia sehemu pekee zinazokusudiwa kupitia mtambo husika uliokadiriwa (setting), na hilo hufanyika upesi sana na kwa ufanisi, na linapunguza mshtuko wa mwili, uvujaji wa damu, na kumsaidia mgonjwa kupona haraka.

 

Majumbani. Unahitaji tu kubonyeza swichi kwenye roboti yenye umbo la mviringo ili kufyonza uchafu kwenye sakafu., Roboti hiyo huondoa uchafu kwenye maeneo yasiyo na vifaa ikizunguka na kusonga kandokando ya ukuta, na hivyo kutambua mpangilio wa nyumba ulivyo na inaweza kutambua mahali ngazi zilipo na kuziepuka.

 

Roboti hiyo huacha kusafisha inapomaliza na kurudi mahali inapoongezwa nguvu. Kuna roboti zaidi ya milioni mbili kama hizo zinazotumika kwa sasa sehemu tofauti barani ulaya na Asia.

 

Angani. Roboti yenye magurudumu sita inayoitwa Spirit inachunguza sayari Mihiri (Mars), Ikiwa na vifaa vya kisayansi kwenye mikono yake, roboti hiyo kwasasa inachunguza udongo na mawe.

 

Kwa kutumia kamera iliyopandikizwa, roboti hiyo imepiga picha zaidi ya 88,500 kwenye sayari hiyo, zikitia ndani mchanga, mabonde, mawingu, dhoruba za mchanga, mawio na machweo, na Ni mojawapo ya roboti mbili zenye magurudumu zinazotumika kwenye sayari hiyo ya Mihiri.

 

Roboti kwenye sayari ya nne (Mihiri) umbali kutoka jua. Roboti hii ilitumwa na NASA inayohusika na sayansi na uchunguzi nnje ya dunia (Robot in the 4th Planet -Mars). Picha na NASA.

Kazi ya Kutafuta na Kuokoa Watu. Chini ya vifusi vya chuma moto zilizopindika na zege za majengo yaliyoanguka ya World Trade Towers, roboti 17 zinazotoshana na mpira wa vikapu zilitumiwa kutafuta watu waliokwama kwenye majengo hayo, na Tangu wakati huo, roboti za hali ya juu zaidi zimetengenezwa. 

 

Chini ya Maji. Roboti zinazojiendesha chini ya maji zinatumiwa na wanasayansi kuchunguza eneo la dunia ambalo halijavumbuliwa, yaani, bahari, Roboti hizo hazina dereva, na Matumizi yake mengine roboti hiyo chini ya maji ni pamoja na kutafuta na kuokoa watu, kukagua nyaya za mawasiliano, kufuata nyangumi, na kuondoa mabomu yaliyotegwa baharini.

 

ROBOTI ZINAFANANA NA WANADAMU KADIRI GANI?

 

Kwa karne nyingi zilizopita, Mwanadamu (Mwanasayansi) ametamani kujenga roboti zinazofanana na kutenda kama mwanadamu, Lakini hilo limekuwa jambo gumu sana kufanyika kwani kutokana na sayansi duni ya wakati huo majaribio kadhaa yalishindikana.

 

“Ni jambo rahisi zaidi kujenga kompyuta za hali ya juu, majengo marefu sana, au hata kuchora ramani ya majiji mazima kuliko kuiwezesha mashine iwe na uwezo wa kusonga kama mwanadamu, kuona, kunusa, kusikia, na kugusa, pia uwezo wa akili unaokaribia ule wa mwanadamu,” nukuu kutoka jarida Business Week.

 

LAKINI: Baada ya miaka 11 ya utafiti wenye kina na kutumia mamilioni ya dola, wataalamu kutoka Japani walitimiza jambo hilo la kustaajabisha mnamo Septemba 1997, Kwa kufanikiwa kutengeneza roboti ya kwanza inayoweza kutembea.

Tangu wakati huo, wataalamu wameendelea kutengeneza roboti zinazoweza kupanda ngazi, kukimbia, kucheza dansi, kubeba vitu kwenye sinia, kusukuma mkokotena, na hata kujiinua baada ya kuanguka chini!

 

WAKATI UJAO WA ROBOTI

Roboti zitatumiwaje wakati ujao? Kwa sasa, shirika la NASA la Marekani linabuni roboti inayoweza kufanya kazi hatari angani. Bill Gates alisema inawezekana kwamba “roboti zitatimiza fungu muhimu katika kuwasaidia watu na zitakuwa waandamani (Wenza) kwa wazee.”

Vivyo hivyo, katika ripoti iliyotolewa na serikali ya Japani, inatarajiwa kwamba kufikia 2025 roboti zitashirikiana na wanadamu kutunza wagonjwa, kulea watoto, na kufanya kazi za nyumbani.

Kufikia 2050, watafiti wanatarajia kwamba kutakuwa na timu ya mpira ya roboti itakayoshinda timu ya wanadamu, Pia inatarajiwa kwamba baada ya makumi ya miaka, mashine zenye uwezo wa akili unaopita ule wa wanadamu zitatokezwa.

UKWELI NI KUWA: Ingawa watu fulani wana matarajio hayo mazuri, si kila mtu anayekubaliana nao, kutokana na kwamba ni Wanasayansi, lakini pia zitabakia kuwa tu ni mashine zilizofanyizwa na Mwanadamu na huweza kupata hitilafu (kama ilivyo vyombo vingine vya moto kama magari) muda au wakati wowote.

Pia hatuwezi kujua roboti hizo zitafanyiwa maendeleo kwa mafanikio yapi mapya, itakapofika wakati huo ujao, Hata hivyo, ukweli utabaki kuwa ukweli kuwa: Ni wanadamu tu ambao sikuzote watakuwa na uwezo wa kuonyesha upendo, kutenda kwa hekima, haki, na nguvu. Kwa nini? Biblia inasema wazi kwamba tofauti na viumbe wengine, ni mwanadamu peke yake aliyeumbwa kwa mfano wa Mungu.

BONYEZA LINKI HII HAPA KWENYE MAANDIKO HAYA: (Mwanzo 1:27)

CHANZO MAKALA: JARIDA LA AMKENI LINALOTOLEWA NA MASHAHIDI WA JEHOVA KUPITIA (MNARA WA MLINZI)

https://wol.jw.org/sw/wol/d/r13/lp-sw/102008326#h=23

LAKINI PIA HIVI KARIBUNI MWEZI WA OKTOBA 24-2017 SAUDI ILITOA URAIA KWA ROBOTI ILIYOKUWA NA UWEZO MKUBWA ZAIDI:

ROBOTI SOFIA-Mwenye Urai wa Saudia Kwasasa

Kwenye mkutano wa mapendekezo ya uwezekaji katika siku zijazo uliofanyika kuanzia tarehe 24 hadi tarehe 26 Oktoba mjini Riyadh, Saudi Arabia, roboti iitwayo Sophia (Pichani Juu) imepewa uraia wa nchi hiyo rasmi. CHANZO-Redio China.

 

Lakini Saudi Arabia haijaeleza maana kamili ya uraia wa roboti hiyo na itapewa uhuru kiasi gani wa kuishi na kuchangamana na raia wengine nchini humo.

 

Lakini Roboti-Sofia yenyewe ilipozungumzia uraia wake, imesema, "Naona fahari kubwa kupata hadhi hii ya kipekee, nimekuwa roboti ya kwanza kupata uraia katika historia."

 

Hivi sasa kuzifanya roboti kufanya kazi badala ya binadamu kunakabiliwa na vizuizi vingi vya kisheria, lakini roboti zikipata uraia, baadhi ya vizuizi huweza kuondolewa.

 

Wakati ilipoulizwa kama roboti inayofanana sana na binadamu itasababisha hofu ya binadamu au la, roboti Sofia ilijibu, "Nilisanifiwa kwa mujibu wa maadili ya binadamu, ikiwemo busara, wema na rehema, Nitajaribu kuwa roboti inayoweza kuhisi hisia ya binadamu, na kuwasaidia binadamu kupata maisha bora."

 

Sofia yenye sura ya mwanamke ilisainifiwa na kampuni ya roboti ya Hanson ya Marekani, ina ngozi ya mpira, inaweza kuiga ishara 62 za usoni, inaweza kutambua sura za binadamu, kuelewa lugha, na kukumbuka mawasiliano na binadamu. Watu wengi wamesema wanaiogopa sana Roboti hiyo kwa sababu hufanana sana na binadamu.

 

SWALI NI KUWA JE: Kama ilivyo hulka na wasifu wa Wanadamu, je! Roboti nazo zitaweza kufikia wasifu huo wa wanadamu kwa Asilimia 100%.?

MAONI YAKO YANAHITAJIKA: Waweza tembelea pia Hapa:

https://www.facebook.com/stewart.meena/