HUENDA SASA KUKAWA NA MATUMAINI MAPYA KUHUSU USALAMA WA ANGA ZA JUU BAADA YA HILI KWA WASAFIRI.

AP Image caption Roketi ya H-IIB iliyobeba chombo cha Kounotori ikipaa angani baada ya kurushwa kutoka kituo cha anga za juu cha Tanegashima tarehe 9 Desemba

 

Hatimaye Japan imezindua chombo cha anga za juu ambacho kitabeba mtambo maalum wa kukusanya taka kutoka anga za juu.

hombo hicho kitakuwa na nyaya ndefu za urefu wa mita 700 (nusu maili) ambazo zitatumiwa kuokota taka hizo. Nyaya hizo zitaundwa kwa madini ya aluminiamu na chuma cha pua.

Mtambo huo umeundwa kwa usaidizi kutoka kwa kampuni ya uvuvi na serikali ya Japani kwa kuwahusisha watafiti na wanasayansi wake.

Inakadiriwa kwamba kuna zaidi ya vipande milioni 100 vya taka kwenye mzingo wa dunia, ambapo vipande hivyo huchagizwa na mabaki ya satelite kumeguka zikiwa angani, au pengine vyombo vinavyopelekwa kufanya utafiti sayari nyingine kugongana na vimondo na kumeguka nk.

Mpango wa kupeleka watu wakaishi Mars

Kifaa kutoka angani chaanguka Myanmar

Vipande hivi (pichani) ni pamoja na vipande vya setilaiti ambazo zilipoteza mawasiliano na kuachwa kutumika kwa kutelekezwa na watafiti wa nchi husika na hivyo kuendeea kusalia angani kwa uvutano wa hali ya hewa ya anga za juu na hivyo kuzuiliwa kudondoka chini na badala yake kuendelea kuizunguka dunia.

Vipande vingi kati ya hivi vinasonga kwa kasi sana kuizunguka dunia kwenye mzingo wake, baadhi vikifikia kasi ya kilomita 28,000 kwa saa (maili 17,500 kwa saa) na kuna wasiwasi kwamba vinaweza kusababisha ajali mbaya au kuharibu mitambo inayosaidia mawasiliano duniani.

Taka hizo zimerundikana katika kipindi cha miaka 50 tangu binadamu aweze kuruka kwenya anga za juu, setilaiti ya Sputnik iliporushwa anga za juu na Muungano wa Usovieti mwaka 1957.

Mgongano kati ya setilaiti na kufanyiwa majaribio kwa mitambo ya kujikinga dhidi ya mshambulio ya setilaiti vimezidisha tatizo la taka anga za juu
 

Caption: Chombo hicho cha Japan kimepewa jina Kounotori na kinaundiwa katika kituo cha anga za juu cha Tanegashima AFP

 

Chombo hicho kilichopewa jina Kounotori (Korongo kwa Kijapani) na ambacho kimebebea mtambo huo, kilipaa kutoka kituo cha safari za anga za juu cha Tanegashima, kaskazini mwa bahari ya Pasifiki Ijumaa kuelekea kituo cha kimataifa cha anga za juu.
 
Watafiti wanasema nyaya hizo zinazotumia nguvu za maalum za sumaku ambazo kwa Kiingereza huitwa electro-dynamic, kitazalisha nguzu za kutosha kubadili mwelekeo wa vipande hivyo na kuvielekeza kwenye anga ya dunia ambapo vitateketea.

Kampuni ya wataalamu wa kuunda nyavu za kutumiwa na wavuvi Nitto Seimo Co, ambayo imekuwepo kwa miaka 106, imeshirikiana na shirika la anga za juu la Japan kuunda mtambo huo.
 

 
Majaribio ya kutumia mtambo huo ni moja ya juhudi za kuhakikisha anga za juu ni salama kwa wana anga kwa kupunguza taka zilizokuwepo kwa muda mrefu na kufanya maeneo hayo kutokuwa salama zaidi kwa wasafiri wa anga za juu kwendea sayari nyingine.
 
Inatarajiwa kwamba itasaidia kulinda vituo vilivyo anga za juu pamoja na setilaiti za kutabiri hali ya hewa na zile zinazotumiwa kwa mawasiliano, vyote vya thamani ya mabilioni ya dola.

Wataalamu wanasema kuna manufaa mengi yatakayotokana na kuondolewa kwa taka kwa kutumia mradi huo wa Japan, lakini wanasema huenda ukafanikiwa kwa vipande vikubwa pekee vya taka.

CHANZO: BBC SWAHILI